Гурав дахь өдрөө үргэлжилж буй ууган намын их хурал өчигдөр намын даргаа сонгосон бол өнөөдөр Их хурлын төлөөлөгчид Бага хурлын гишүүдийг сонгоно. Тус намын дүрэмд өөрчлөлт оруулснаар шинэ дүрмээр бол бага хурал 369 гишүүнтэй байхаар тогтоосон байгаа юм. Түүнчлэн өмнө нь МАН-ын Бага хурлын гишүүдийн тоо 310 байсан бол энэ тоог 59-өөр нэмэгдүүлээд байгаа юм. Мөн Бага хурлын гишүүдийн 30 хувийг эмэгтэйчүүд бүрдүүлэх өөрчлөлтийг намын дүрмэнд шинээр тусгасан аж. Намын их хурал дууссаны дараа намын бага хурал үргэлжлүүлэн хуралдах бөгөөд тус хурлаар намын Ерөнхий нарийн бичгийн даргыг сонгоно. Ер нь бол МАН-ын дүрэм ёсоор намын дарга нь ерөнхий нарийн бичгийн даргыг санал болгодог. Гэвч бас заалнаас Ерөнхий нарийн бичгийн даргад өрсөлдөх боломж гишүүдэд бий бөгөөд энэ боломжийг ашиглаж хэд хэдэн хүн нэр дэвшинэ гэдгээ одоогоор мэдэгдээд байгаа. Тэдэн дундаас хамгийн магадлал өндөр хүн нь Эрүүл мэндийн дэд сайд асан Ж.Цолмон. Хэрвээ тэрбээр МАН-ын бага хурлын гишүүдийн дэмжлэгийг авч МАН-ын генсекээр сонгогдож чадвал МАН-ын түүхэн дэх анхны эмэгтэй ерөнхий нарийн бичгийн даргатай болох юм.
toimmedee.mn