Өмнө нь Нийтээр тэмдэглэх баярын болон тэмдэглэлт өдрүүдийн тухай хуулиар жилдээ 14 хоног амардаг байсан бол энэ жил  15 хоног амарч байна.  Учир нь ирэх баасан гарагт буюу зургаадугаар сарын 5-ны өдөр Бурхан багшийн Их дүйчин өдөр буюу зуны тэргүүн сарын 15-ныг нийтээр тэмдэглэх баярын өдөр болгон бүх нийтээр амрахаар тус хуульд нэмэлт өөрчлөлт оруулж баталсан.

Ингэснээр 2020 онд дараахь өдрүүдэд амрана:

1. Шинэ жил: нэгдүгээр сарын 1,
2. Цагаан сар: билгийн тооллын хаврын тэргүүн сарын шинийн 1, 2, 3,
3. Олон улсын эмэгтэйчүүдийн өдөр: гуравдугаар сарын 8,
4. Хүүхдийн баяр: зургадугаар сарын 1,
5. Бурхан багшийн Их дүйчин өдөр: зургадугаар сарын 5,
6. Үндэсний их баяр наадам, Ардын хувьсгалын ойн баяр: долдугаар сарын 11, 12, 13, 14, 15,
7. Бүгд Найрамдах Улс тунхагласан өдөр: арваннэгдүгээр сарын 26,
8. Их Эзэн Чингис хааны өдөр: Их Эзэн Чингис хаан мэндэлсэн билгийн тооллын өвлийн тэргүүн сарын шинийн 1,
9. Үндэсний эрх чөлөө, тусгаар тогтнолоо сэргээсний баярын өдөр: арванхоёрдугаар сарын 29,

Харин эдгээд өдрүүд ажил, амралтын алинд нь таарч байгааг харвал 12 өдөр нь ажлын өдрүүдэд таарч байна. 2020 онд бүх нийтээрээ ажлын 12 хоногт амрана.

toimmedee.mn